Policia në Vietnam tha se gjeti rreth 320,000 prezervativë të ricikluar të përdorur që po ripaketoheshin si të rinj, njoftoi media lokale të enjten.
Sipas mediave të huaja, inspektorët e tregut në provincën Binh Duong bastisën një fabrikë pranë qytetit Ho Chi Minh, ku zbuluan prezervativët e përdorur që ripaketoheshin për t’u shitur në treg.
Një inspektor tha se pronarja 34-vjeçare e fabrikës, një grua, rrëfeu se ata i blenë prezervativët nga dikush tjetër, raportoi gazeta shtetërore Tuoi Tre, sipas AP.
Pasi blenë prezervativët nga një burrë, ato u lanë, pastaj u paketuan në qese plastike, sipas gazetës.
Videoja e marrë nga transmetuesi shtetëror VTV dhe e marrë nga agjencia e lajmeve Reuters tregon thasë të mbushur me prezervativë.
Ajo gjithashtu tregon mjete të përdorura me sa duket për të larë dhe riformuar kondomët në fabrikë.
VTV tha se ishte e paqartë se sa prezervativë të përdorur ishin rishitur tashmë, sipas Reuters.
Një zyrtar shëndetësor i cituar nga gazeta Tuoi Tre tha se prezervativët ishin një rrezik ekstrem shëndetësor për përdoruesit, raportoi AP.
© SYRI.net
Mungesa e tij nxit depresionin, këto janë ushqimet që përmbajnë kalium
Sa e mirë është muzika për shëndetin tonë mendor?
Këto ushqime ndihmojnë në uljen e kolesterolit
Denonco
Merrni lajmet më të fundit nga SYRI.net në çdo moment dhe kudo që të jeni!
