Komisioni i Disiplinës pranë FSHF-së ka marrë vendimin për katër tifozë, moslejimin e tyre në stadiumet e Shqipërisë për një periudhë të pacaktuar kohe.
Gjithçka i referohet ngjarjeve të ndodhura në ndeshjen e luajtur në Laç, mes Laçit dhe Partizanit, si dhe në ndeshjen derbi, atë mes Partizanit dhe Tiranës në “Air Albania”.
Vendimi
Komisioni i Disiplinës dhe Etikës pasi u njoh me relacionin e Sekretariatit Teknik, korrespondencën me Drejtorinë Vendore të Policisë Lezhë lidhur me aktet e dhunës në ndeshjen e Abissnet Superiore KF Laçi – FK Partizani të zhvilluar më datë 16.09.2024 ora 16:00 në stadiumin “Laçi” dhe me Drejtorinë Vendore të Policisë Tiranë lidhur me aktet e dhunës në ndeshjen e Abissnet Superiore FK Partizani – KF Tirana të zhvilluar më datë 21.09.2024 ora 20:00 në stadiumin “Air Albania”, ku janë konstatuar shkelje të parashikimeve ligjore të nenit 48 e vijues të Ligjit 79/2017 “Për Sportin” si dhe pasi shqyrtoi dokumentacionin e paraqitur dhe diskutoi çështjet në tërësi duke u bazuar në nenin 59 e vijues të KDE, vendosi:
Të ndalojë hyrjen në stadiumet e futbollit të Republikës së Shqipërisë ku zhvillohen veprimtari të organizuara nga FSHF për një periudhë të pakufizuar kohe personave të mëposhtëm:
Pirro Gjok Fufi
Klejdi Alket Lamllari
Raid Lantan Kavaja
Mateo Thoma Gjoka
Në bazë të Nenit 7 të KDE, udhëzohen të gjithë anëtarët e FSHF të cilët kanë nën administrim stadiume futbolli, të garantojnë zbatimin e këtij vendimi.
© SYRI.net
Milani shpërthen me 3 gola në pjesën e parë ndaj Lecces
Sulmohet në Shkup presidenti shqiptar i Federatës së Futbollit të Maqedonisë, Muamed Sejdini
Superliga e Kosovës/ Vjen humbja e parë për Suharekën e Shpëtim DurosBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
