Wojciech Szczesny gati të kthehet nga pensioni, klauzola që e pengon të firmosë me Barçën

11:29, 25/09/2024

Barcelona ka vendosur që Wojciech Szczesny të jetë portieri që do të zëvendësojë të dëmtuarin Marc-Andre ter Stegen. “Gardiani” polak është i gatshëm të kthehet mes portave, edhe pse në verë kishte njoftuar tërheqjen nga futbolli. Megjithatë, ata ende nuk kanë arritur një marrëveshje.

Szczesny është i vetëdijshëm se ai është zgjedhja kryesore dhe është i hapur për nënshkrim, por “Sport” vëren se ka pyetje të ndryshme për t'u zgjidhur përpara se të arrihet një marrëveshje.

Një nga çështjet kryesore që duhet zgjidhur është klauzola qe kishte në kontratën me Juventusit: duhet të kthejë paratë që fitoi përpara daljes në pension, nëse nënshkruan për një klub tjetër gjatë një periudhe të caktuar. Kjo u zbulua për herë të parë nga media spanjolle.

Duket se Barcelona po kërkon të gjejë një rrugë të mesme midis kompensimit të Szczesny-t për paratë që ai do të humbiste dhe pagës që do t’i ofrojë. “Blaugranat” kanë 80% të pagës së Marc-Andre ter Stegen si shumë për ta përdorur për një nënshkrim zëvendësues brenda 30 ditëve pas lëndimit të tij (7 milionë euro). Megjithatë, duhet theksuar se Barcelona më pas duhet të shtojë këtë kosto shtesë në llogaritjet e kufirit të pagave për sezonin e ardhshëm.

© SYRI.net

Lexo edhe:

• Milani shpërthen me 3 gola në pjesën e parë ndaj Lecces
• Sulmohet në Shkup presidenti shqiptar i Federatës së Futbollit të Maqedonisë, Muamed Sejdini
• Superliga e Kosovës/ Vjen humbja e parë për Suharekën e Shpëtim Duros