Napoli i Antonio Contes do të jetë mysafir në “Allianz Stadium” të Torinos, për ndeshjen me Juventusin, e vlefshme për javën e pestë të Serisë A. Në prag të sfidës ndaj napolitanëve, Thiago Motta ka folur në konferencën e zakonshme për shtypin, ku rezervoi fjalët më të mira për kundërshtarin.
"Napoli është një ekip i mirë, një skuadër e ndërtuar për të fituar “Scudetton”. Jo shumë kohë më parë, ata e fituan këtë trofe dhe kanë shprehur një lloj futbolli që ka spikatur edhe në skenën evropiane. Do të na duhet të bëjmë një paraqitje të shkëlqyer: si ne ashtu edhe publiku që do të vijë të mbështesë ekipin, për të pasur një mbrëmje të mrekullueshme”.
Për Vlahovicin: “Duhet të ketë ambicie për t'u përmirësuar gjithmonë. Dushani mund të përmirësohet, jo vetëm emocionalisht: në çdo rast ai është shumë mirë, ne flasim çdo ditë. Ai bëri një punë të shkëlqyer si në sulm ashtu edhe në mbrojtje në ndeshjen e fundit, jam shumë i kënaqur me atë që po bën, duhet të vazhdojë kështu”.
Të dëmtuarit: "Gatti është plotësisht i disponueshëm, u stërvit mirë gjatë javës, prandaj është rikuperuar dhe nesër do të jetë me ne. Të vetmit të lënduar mbeten Conceicao dhe Milik".
© SYRI.net
Statistikat/ Produktiviteti i Ronaldos, me Ancelottin makineri golash, dështim total me Teg Hag
Guardiola: Arsenali, rivali ynë më i madh, do të doja që Odegaard të luante
Plas te Roma, lojtarët përballen me drejtuesit për shkarkimin e De RossitBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
