Sulmuesi i Shqipërisë, Arbër Hoxha, me trajner të ri. Dinamo e Zagrebit, ku militon futbollist kuqezi, ka ndarë rrugët me trajnerin Sergej Jakirovic pasi skuadra kroate pësoi një humbje poshtëruese 9-2 ndaj Bayernit të Mynihut të martën mbrëma (Hoxha u aktivizua në minutën e 73-të). Kjo ishte humbja më e thellë e Dinamos në histori dhe hera e parë që një ekip pëson nëntë gola në historinë e turneut.
Jakirovic u emërua trajner i Dinamo verën e vitit 2023 dhe udhëhoqi klubin drejt triumfit të dyfishtë, në Kampionat dhe Kupë.
Në një deklaratë të klubit shkruhet: “GNK Dinamo dëshiron të informojë publikun se është rënë dakord për një ndërprerje reciproke të kontratës me trajnerin Sergej Jakiroviç.
Ekipi i parë do të drejtohet në afat të shkurtër, derisa të merret një vendim për një zgjidhje të re afatgjatë, nga ish-anëtari i stafit profesional, Sandro Perkovic.
Falënderojmë Sergej Jakirovic nga zemra për gjithçka që ka dhënë për klubin tonë dhe i urojmë atij fat dhe suksese në karrierën e tij të ardhshme.
Ne i bëjmë thirrje medias dhe publikut që të jenë mirëkuptues ndaj Sergej Jakirovic dhe familjes së tij dhe të mos përkeqësojnë një situatë tashmë stresuese.”
© SYRI.net
Champions League/ Monaco-Barcelona, shikoni supergolin e Lamine Yamal 
Shqiptarja që gjykon ndeshjet e Champions League: Më kanë mërzitur mesazhet seksiste
Shkeljet financiare, Man.City rrezikon të përjashtohet nga të gjitha kompeticionetBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
