Adrien Rabiot (29 vjeç) i befasoi të gjithë me zgjedhjen e tij për të firmosur me Olimpikun e Marsejës. Më i çuditur nga të gjithë është Jerome Rothen, ish-futbollist i PSG-së dhe i kombëtares franceze.
Në programin “After Foot”, në RMC, Rothen deklaroi se nuk e kuptonte se si Rabiot, që ka luajtur për shumë vite te parizienet (2012-2019), tradhtoi klubin e zemrës dhe tifozët e tij.
"Nuk më pëlqen të më marrin si idiot. Ai gënjeu të gjithë parisienët dhe ata që e duan këtë klub. Nuk mund të bësh atë që bëri dhe tha ai pasi kaloi shtatë vjet në klub dhe kishte bërë deklarata dashurie për PSG-në”.
Ish-lojtari i Monacos u referohet deklaratave të mëparshme të Rabiot se ai nuk do të luante kurrë për OM.
"Të veshësh këtë fanellë një ditë? Nuk është e mundur. Është e paimagjinueshme për të mua të luaj për Marsejën,” do të deklaronte Rabiot në vitin 2016 në një kohë kur ai ishte ende duke luajtur për PSG-në.
Nënkampioni i botës në viin 2022 u pyet për këtë temë të mërkurën, në konferencën e prezantimit me skuadrën e re:
“Nuk kam pse të jap shpjegime. Unë po bëj karrierën time. Është e vërtetë që, më në fund, mund të kuptojmë se asgjë nuk është e pamundur në jetë. Gjërat që mund të thuash kur je më i ri mund të ndryshojnë me përvojën dhe rrethanat e tjera. Sot e bëra këtë zgjedhje me shumë qetësi. Jam shumë i lumtur që jam këtu. Ndoshta me siguri do të zhgënjejë disa, mund të ketë zhgënjyer disa, por është një zgjedhja ime.”
© SYRI.net
Champions League/ Monaco-Barcelona, shikoni supergolin e Lamine Yamal 
Shqiptarja që gjykon ndeshjet e Champions League: Më kanë mërzitur mesazhet seksiste
Shkeljet financiare, Man.City rrezikon të përjashtohet nga të gjitha kompeticionetBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
