Një tjetër lajm surprizë vjen këtë të mërkurë nga Greqia, ku AEK-u i Athinës ka njoftuar nënshkrimin e francezit Anthony Martial.
Sulmuesi 28-vjeçar, i cili i dha fund periudhës së tij nëntëvjeçare me Manchester United, do të jetë një përforcim shumë i rëndësishëm për skuadrën greke. Ai pritet të mbërrij ënë Athinë këtë mbrëmje, sipas një publikimi të klubit.
Sipas Sport24, Martial do të ketë një pagë rreth 3 milionë euro në sezon.
Kujtojmë që te skuadra athinase Martial do të jetë shok skuadre me portierin e Kombëtares Shqiptare, Thomas Strakosha, i cili u rikthye në elitën e futbollit grek pikërisht këtë verë.
Në muajin korrik, Thomas Strakoha firmosi kontratë deri në vitin 2029 me AEK-un, me pagë 1 milion euro në sezon.
© SYRI.net
Bëje LIKE dhe merr lajmin e fundit nga Sporti: