Arabia Saudite tenton Ancelotti-n, 50 milionë në sezonPropozimi është për vitin 2026, kur do t'i ketë skaduar kontrata me Realin
Këtë verë, në një intervistë të dhënë për podkastin 'The Obi One', duke biseduar me ish-futbollistin e tij, John Obi Mikel, Carlo Ancelotti bëri të ditur se dëshira e tij është të përfundojë karrierën e tij me klubet kur të përfundojë aventurën me Real Madridin. Dhe kjo ndoshta në vitin 2026, duke qenë se trajneri italian ka një kontratë të vlefshme edhe për dy vite të tjera.
Megjithatë, tashmë ka nga ata që po përpiqen t'ia ndryshojnë mendjen. Sipas asaj që raportohet nga Radio Marca, Arabia Saudite ka trokitur në derën e tij, në përpjekje për ta bindur të zbarkojë në Ligën Pro Saudite. Me çfarë argumentesh? Ato ekonomike, natyrisht, siç kanë bërë klubet saudite me shumë yje të tjerë të ftuar në ligën e tyre gjatë një viti e gjysmë të fundit.
Në tavolinë është një ofertë prej 50 milionë eurosh në sezon dhe vjen direkt nga PIF. Pra, asnjë ekip specifik, por një nga emrat e mëdhenj në Arabi mund ta mirëpresë atë. Propozimi është për vitin 2026, kur do t'i ketë skaduar kontrata. Për momentin, nuk ka asnjë përgjigje nga Ancelotti.
© SYRI.net
Zeka nuk mjafton për 'të kuqtë', Partizani ndan pikët në transfertën e Laçit
Kategoria e Parë/ Mazrekaj i jep fitoren Besës, Vora mposht Valbonën
Zyrtare/ Interi rinovon kontratën me mesfushorin kuqeziBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
