Klubi anglez, Chelsea ka konfirmuar zyrtarisht se Joao Felix i është bashkuar nga skuadra e La Ligës, Atletico Madridi.
Chelsea ra dakord për një tarifë prej rreth 45.5 milionë euro për 24-vjeçarin me Atleticon dhe gjithashtu do të ketë një klauzolë shitjeje si pjesë e marrëveshjes.
Felix ka nënshkruar një kontratë shtatëvjeçare me Chelsean, ndërsa është vetë faqja zyrtare e Bluve që ka konfirmuar transferimin.
“Chelsea është i kënaqur të njoftojë nënshkrimin e përhershëm të Joao Felix nga Atletico Madrid”, thuhet në njoftimin e Bluve.
Portugezi shënoi 4 gola në 20 ndeshje në qëndrimin e tij të mëparshëm te Chelsea dhe shpresoj se ai do të shtojë numrat pas këtij transferimi.
Chelsea dhe Atletico Madridi më herët kanë konfirmuar edhe marrëveshjen për mesfushorin Conor Gallagher, i cili ka kaluar te spanjollët.
© SYRI.net
Bëje LIKE dhe merr lajmin e fundit nga Sporti: