Përforcim në mbrojtje për Atleticon e Madridit. “Colchoneros” kanë zyrtarizuar sot Robin Le Normand si lojtarin më të ri të skuadrës së Diego Simeones.
Qendërmbrojtësi, i cili ishte pjesë e Spanjës në suksesin fantastik në Euro 2024, zbarkon në kryeqytetin spanjoll nga Real Sociedadi. Klub ku kaloi 5 sezone.
Rreth 35 milionë euro do të paguajnë drejtuesit e Atleticos në arkat e klubit bask, ndërkohë që 27-vjeçari i lindur në Francë do të firmosë një kontratë shumëvjeçare me kryeqytetasit.
Le Normand debutoi me kombëtaren iberike në qershorin e vitit të kaluar. Dhe deri tani numëron 17 paraqitje dhe 1 gol me kampionët e rinj të Europës.
Lojtari shtatlartë zbarkon kështu tek ekipi i Diego Simeones për të zëvendësuar malazezin Savic, i cili u transferua te turqit e Trabzonsporit.
Prezantimi i mbrojtësit potent tek Atletico do të bëhet pasi ai të kthehet nga pushimet.
© SYRI.net
VIDEO/ Asani fantastik, Shqipëria kalon në avantazh
Shpërthen festa kuqezi, Ismajli barazon shpejt shifrat 
Liga e Kombeve/ Gjeorgjia 'masakron' me 4 gola Çekinë, merr kreun në grupin e ShqipërisëBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
