Trajneri i Argjentinës, Lionel Scaloni, është skualifikuar me një ndeshje në Kupën e Amerikës për shkak të një rregulli të veçantë dhe pak të njohur, të cilin shumë prej nesh ndoshta nuk e dinë.
Euro 2024 mund të jetë fokusi i tifozëve të futbollit në të gjithë Europën, por nuk është i vetmi turne ndërkombëtar që zhvillohet këtë verë, pasi Copa America po zhvillohet në Shtetet e Bashkuara.
Argjentina tashmë është kualifikuar në fazën eliminatore të kompeticionit pasi fitoi dy ndeshjet e para të grupit.
Një fitore 2-0 ndaj Kanadasë u pasua me një fitore 1-0 kundër Kilit, dhe ata përfundojnë fushatën e tyre në Grupin A kundër Perusë mbrëmjen e sotme.
Megjithatë, trajneri i Argjentinës Scaloni nuk do të jetë në stol për përballjen kundër Perusë, pasi mori një dënim me një ndeshje në fitoren kundër Kilit.
Scaloni theu një rregull të veçantë dhe pak i njohur për të cilin shumë prej nesh ndoshta nuk e dinim se ekzistonte.
Konfederata e Futbollit të Amerikës së Jugut, CONMEBOL e ka dënuar Scalonin me një pezullim me një ndeshje, pasi lojtarët e Argjentinës u vonuan për të rihyrë në fushë pas pjesës së parë të fitores ndaj Kilit.
Ndihmës trajneri i Argjentinës, Walter Samuel shpjegoi se si Scaloni reagoi pasi mësoi lajmin.
Duke folur për “The Athletic”, Samuel tha: “Lionel është i mërzitur për këtë. Ne e konsiderojmë veten si staf me shumë profesionalizëm. Ne e morëm vesh sot. Ishte një befasi. Ndonjëherë flitet për një detaj të vogël. Ne nuk po përpiqeshim të fitonim një avantazh. Tani duhet të fokusohemi në ndeshjen e radhës dhe të ecim përpara”.
Nëse Argjentina fiton Grupin A, do të përballet në çerekfinale me vendin e dytë të Grupit B, që mund të jetë Ekuadori, Meksika apo Venezuela, në varësi të mënyrës se si do të jenë rezultatet e ndeshjeve të fundit të grupit.
© SYRI.net
“Turizmi ka arritur limitin e tij”: Barcelona voton për të rritur taksat turistike nga tetori!
Anglia po luan keq, Rooney zbulon shkakun: 'Faji është i teknikut Guardiola'
Jurgen Klopp bën parashikimin për fituesin e Euro 2024Bëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
