Patrik Schick është njëri nga lojtarët më të mirë gjatë këtij kampionati evropian.
Reprezentuesi çek ka shkëlqyer, ku deri më tani ka realizuar katër gola duke e dërguar Kombëtaren e tij në çerekfinale të Euro 2020.
25-vjeçari edicionin e kaluar iu bashkua klubit gjerman Bayer Leverkusen për 26,5 milionë euro nga Roma, por ai mund të rikthehet përsëri në Itali.
Është gjiganti italian, AC Milan që ka filluar kontaktet me Leverkusenin për sulmuesin çek, pasi Rossonerët duan rikthimin e tij në Serie A.
Përkundër se Schick shihet si një futbollist i rëndësishëm nga ‘Aspirinat’ ata mund ta lejojnë largimin e tij nëse vije oferta e duhur.
Milani ka kërkuar huazimin e tij me të drejtë blerje, por klubi gjerman është gati ta lejoj vetëm largimin e përhershëm të tij.
Leverkusen deri më tani po e vlerëson 40 milionë euro sulmuesin i cili edicionin e fundit realizoi 13 gola dhe bëri dy asistime në 36 ndeshje zyrtare në të gjitha garat.
© SYRI.net
Bëje LIKE dhe merr lajmin e fundit nga Sporti: