Spanja ka siguruar kualifikimin në çerekfinale të Kampionatit Europian.
Pas 120 minutash lojë, Iberikët triumfuan 5-3 në sfidën kundër Kroacisë që në minutat shtesë u dorëzua.
Spanja qysh nga minuta e parë ndërtoi disa aksione, që iu mungoi goditja finale, siç ishte rasti i Koke që dështoi të shënonte i vetëm përballë portierit.
Ndërkohë, Kroacia kaloi e para në avantazh, falë një gafe të bërë nga Unai Simon. Portieri i Spanjës realizon autogolin më qesharak të këtij Europiani pasi nuk kontrollon dot topin e kthyer nga shokët e skuadrës. Spanja barazoi gjithçka me anë të Pablo Sarabia, i cili përfitoi nga një rrëmujë në zonën kundërshtare dhe më pas e ndali topin në rrjetë.
Pjesa e parë u mbyll me rezultatin, 1 – 1.
Edhe 45-mintuëshi i dytë u dominua plotësisht nga Spanja. Fillimisht, Cesar Azpilicueta u asistua për mrekulli nga Torres dhe lehtësisht me kokë realizoi për të vendosur Spanjën në avantazh (57′).
Për golin e tretë mendoi Ferran Torres që pranoi një top të bukur dhe e konkretizoi në gol këtë kundërsulm të shpejtë (77′).
Pavarësisht dy golave, Kroacia nuk u dorëzua dhe arriti të shënonte dy herë për të dërguar lojën në shtesë.
Orsic ngushtoi avantazhin (85’), kurse Pasalic në minutat shtesë realizoi për rezultatin 3 – 3 (90+2).
Edhe në kohën shtesë, Spanja ishte më e mirë. Sulmuesi Alvaro Morata që realizoi supergol pas harkimit të Olmos (100’) për t’i dhënë prapë avantazhin “La Rojas”. Pas vetëm tre minutave, Oyarzabal shënoi për epilogun përfundimtar, Kroaci 3 – 5 Spanjë.
Spanja në çerekfinale do përballet me fituesin e takimit, Francë – Zvicër.
© SYRI.net
VIDEO/ Asani fantastik, Shqipëria kalon në avantazh
Shpërthen festa kuqezi, Ismajli barazon shpejt shifrat 
Liga e Kombeve/ Gjeorgjia 'masakron' me 4 gola Çekinë, merr kreun në grupin e ShqipërisëBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
