Ministri i Kulturës Rinisë dhe Sportit, Hajrulla Çeku ka reaguar pas incidentit në ndeshjen në mes të Ponte Prizrenit dhe Pejës, shkruan Syri.net Kosovës.
Në fund të ndeshjes së Paly-offit pati përleshje në mes të lojtarëve dhe stafit të të dy skuadrave.
Ministri i Sportit ka ftuar krerët e FBK-së në takim ku do të flasin për ngjarjet e fundit.
Ky është reagimi i tij:
Shqetësuese janë ngjarjet nga takimi i sontëm basketbollistik mes KB Ponte dhe KB Peja në Prizren, i ndërprerë me vendim të gjyqtarëve. Por, nuk do të kalojnë pa adresim të përgjegjësisë dhe marrje të masave. Sulmet fizike, fyerjet e veprimet tjera anti-sportive do të marrin përgjigjen e merituar. Jemi duke i grumbulluar të gjitha informatat për incidentin. Për nesër kam ftuar në takim Federatën e Basketbollit të Kosovës, ndërsa të enjtën do të ftojmë takimin e Këshillit kombëtar për parandalimin e dhunës dhe dukurive negative në sport. Ndërkohë presim edhe raportin e Policisë së Kosovës për rastin.
© SYRI.net
Bëje LIKE dhe merr lajmin e fundit nga Sporti: