Neymar ka thënë se do të bëjë gjithçka për të ndihmuar skuadrën e vet, Paris Saint-Germain, ta mposhtë Manchester City-n, edhe në qoftë se i duhet të vdesë në fushë për ta arritur këtë.
PSG-ja pësoi humbje 2:1 kundër City në Parc des Princes në ndeshjen e parë gjysmëfinale në Ligën e Kampionëve.
Skuadra franceze ka një mal për ta kapërcyer shkaku i asaj disfate në shtëpi, kur të përballet sërish me anglezët të martën në Etihad.
Duke folur pas fitores së PSG-së 2:1 kundër Lens, sulmuesi brazilian tha: “Gjëja që duhej të bëjmë tani është të përqendrohemi në Ligën e Kampionëve”.
“Ndeshja e parë kundër Manchester City ishte shumë e vështirë, por ne duhet të besojmë, pavarësisht se çfarë thonë statistikat dhe përqindja e mundësive tona për të fituar”, shtoi ai.
Ai nënvizoi: “Unë jam në vijën e frontit dhe do të jem luftëtari i parë që i futet betejës për ekipin. Do ta jap më të mirën nga vetja dhe do të bëj gjithçka për ta arritur finalen, edhe në qoftë se duhet të vdes në fushë”.
© SYRI.net
Champions League/ Monaco-Barcelona, shikoni supergolin e Lamine Yamal 
Shqiptarja që gjykon ndeshjet e Champions League: Më kanë mërzitur mesazhet seksiste
Shkeljet financiare, Man.City rrezikon të përjashtohet nga të gjitha kompeticionetBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
