Juventusi arrit të marrë një fitore me përmbysje 1-2 ndaj Udineses, teksa vendimtare ishte dopjeta e Ronaldos, për t’i dhënë bardhezinjve tre pikë mjaft të rëndësishme për një vend në Ligën e Kampionëve.
Pas ndeshjes, trajneri Andrea Pirlo u shpreh mjaft i lumtur për fitoren dhe gjeti rastin të uronte dhe Interin dhe ish-trajnerin e tij Antonio Conte për fitimin e titulli kampion.
Fitorja: “Ishte veçanërisht e rëndësishme duke marrë parasysh rezultatet nga kjo pasdite. Ky është një grup i fortë, dëshiron të luftojë për synimet e tij dhe kjo nuk na ka munguar kurrë. Ndonjëherë qëndrimi gjatë ndeshjeve nuk është i denjë për Juventusin, por kjo ndeshje ishte një shfaqje e unitetit tonë. Tani duhet të vazhdojmë me këtë frymë”.
Ambiciet: “Ka lodhje fizike dhe mendore, kështu që kur jeni mësuar të luftoni për titullin dhe jo për një vend në Ligën e Kampionëve diçka ndryshon. Ne jemi përshtatur, është një luftë, por duhet të arrijmë atje”.
Interi kampion: “Unë e përgëzoj Interin dhe Conten për këtë titull të merituar. Tani duhet të ndryshojmë nëse duam të jemi përsëri kampionë. Epoka e Juves mbaroi pas 9 titujsh radhazi, por tjetër do të fillojë dhe ne synojmë të kthehemi atje ku ishim”.
© SYRI.net
Champions League/ Monaco-Barcelona, shikoni supergolin e Lamine Yamal 
Shqiptarja që gjykon ndeshjet e Champions League: Më kanë mërzitur mesazhet seksiste
Shkeljet financiare, Man.City rrezikon të përjashtohet nga të gjitha kompeticionetBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
