Sulmuesi italian Mario Baloteli është bërë heroi i skuadrës së tij Monza, i cili hyri si zëvendësues nga stoli dhe shënoi dopietë brenda 10 minutave, duke i dhënë fitoren ekipit të tij në sfidën ndaj Salernitanës së Federik Veselit.
Sulmuesi 30 vjeçar hyri si zëvendësues në minutën e 80-të të ndeshjes teksa rezultati ishte 1-1 dhe shënoi golin e parë vetëm 1 minutë më vonë për t’i dhënë avantazhin Monzës në këtë sfidë. Vetëm 9 minuta më vonë, Baloteli shënoi të dytin personal për t’i dhënë një fitore mjaft të rëndësishme skuadrës së tij ndaj një kundërshtari direkt në kreun e tabelës. Monza ngjitet në vendin e 4-ët në kuotën e 58 pikëve, 2 më pak së Salernitana e vendit të tretë.
© SYRI.net
Bëje LIKE dhe merr lajmin e fundit nga Sporti: