Pas përfundimit të stinorit të rregullt, Superliga e hendbollisteve vazhdon me garat shtesë përkatësisht me plejof.
Sot në program janë ndeshjet e para të gjysmëfinales së plejofit. Skuadra që shënon dy fitore, apo një fitore e një barazim, kalon në finale.
Nga ora 16:00 takohen Vushtrria e Prishtina. Vushtrria ka përfunduar e dyta, ndërsa Prishtina e treta. Por prishtinaset kanë befasuar Vushtrrinë, duke e mposhtur fundjavën e kaluar në Vushtrri me rezultat 27:26. Pritet ndeshje rivalizuese dhe e fortë deri në fund.
Prej orës 18:00 takohen Istogu e Ferizaj. Istogu ka fituar të gjitha ndeshjet në stinorin e rregullt dhe plejofin e nis nga vendi i parë. Ndërkohë Ferizaj, që është kampion aktual, starton prej vendit të katërt. Këto dy skuadra u takuan fundjavën e kaluar në Ferizaj dhe fitore bindëse, 42:19, shënoi Istogu. Istogu është favorit i madh në këtë gjysmëfinale.
© SYRI.net
Bëje LIKE dhe merr lajmin e fundit nga Sporti: