Ndeshja e parë gjysmëfinale e Ligës së Kampionëve midis PSG-së dhe Manchester City-t do të luhet sonte në “Parc des Princes” në Paris duke filluar nga ora 21:00, dhe shumë janë të mendimit se kjo ndeshje është gjithashtu një "finale e parakohshme".
City ka arritur në gjysmëfinalen e Ligës së Kampionëve për herë të parë që kur Pep Guardiola mori detyrën e trajnerit dhe dëshiron të shkojë deri në fund.
Por tani “Qytetarët” qëndrojnë në rrugën e armikut të vjetër Mauricio Pochettino, i cili udhëhoqi Tottenhamin në një fitore epike në çerekfinale në Etihad dy vjet më parë.
PSG duket bindshëm më mbresëlënës sesa skuadra e tij e atëhershme nga Londra, duke eliminuar këtë sezon Barcelonën dhe kampionët aktual të Bayern Munich në fazën e nokautit.
"Pep është më i miri. Unë e admiroj dhe mendoj se ai bën një punë fantastike. Ai është një trajner i mrekullueshëm, gjithmonë krijon strategji dhe taktika të reja. Më pëlqen të jem sfidues i ekipeve të tij, "tha Pochettino para ndeshjes.
Keylor Navas dhe Marco Verratti kthehen tek PSG pas dëmtimeve, ndërsa Marqunhos dhe Abdou Diallo ka të ngjarë të jenë në dispozicion. Juan Bernat është pushim prej një kohe të gjatë dhe është i vetmi jashtë grupit për ndeshjen e sotme të PSG.
"Ne nuk jemi elitë në këtë garë, por duam të jemi. Premier League është më i rëndësishmi për ne, por do ishte mirë të arrijmë një rezultat edhe në Ligën e Kampionëve. Shumica e lojtarëve janë në këtë fazë të kompeticionit për herë të parë (gjysmëfinale). Për disa klube kjo është normale, por për ne është e re, "tha Guardiola dje para takimit.
Sa i përket grupit, Guardiola mund të llogarisë të gjithë lojtarët. Sergio Aguero nuk luajti në fitoren e fundit të City-t ndaj Tottenham në finalen e Kupës Carabao dhe ka gjasa të mos përfshihet në skuadër as këtë herë.
© SYRI.net
Bëje LIKE dhe merr lajmin e fundit nga Sporti: