Sfidat e dyta gjysmëfinale në 'Play-off'

13:20, 27/04/2021

Të martën do të zhvillohen ndeshjet e dyta gjysmëfinale në “Play-off” të FIVE STAR Superligës së Kosovës në basketboll. 

Edhe në takimet e dyta vendas janë Rahoveci dhe Ponte Prizreni, pasi sistemi në gjysmëfinale është 2-2-1, derisa skuadra që shënon tri fitore do të kualifikohet në finalen e madhe.

Në takimin e parë, Rahoveci pas një ndeshje dramatike mundi Golden Eagle Ylli 69:66 dhe do të mundohet të shënojë fitoren e dytë, për të qenë sa më afër finales, derisa therandasit pritet të mobilizohen dhe duan të fitojnë përballjen e dytë, në mënyrë që të barazojnë serinë gjysmëfinale, por edhe të marrin përparësinë e fushës. 

Peja fitoi në udhëtim takimin e parë ndaj Ponte Prizrenit 92:100 dhe synon të fitojë edhe përballjen e dytë, kurse prizrenasit janë mobilizuar pas humbjes së parë dhe do të japin maksimumin për të barazuar serinë gjysmëfinale.

Ndeshjet e para dhuruan shumë spektakël dhe emocione, e kështu pritet edhe të martën mbrëma.

Ndeshja e dyta gjysmëfinale

E martë 
17:00 Rahoveci - Golden Eagle Ylli 
20:15 Ponte Prizreni - Peja.

© SYRI.net

Lexo edhe:

• Champions League/ Monaco-Barcelona, shikoni supergolin e Lamine Yamal
• Shqiptarja që gjykon ndeshjet e Champions League: Më kanë mërzitur mesazhet seksiste
• Shkeljet financiare, Man.City rrezikon të përjashtohet nga të gjitha kompeticionet