Tashmë është zyrtare, Hansi Flik largohet nga Bajerni në fund të sezonit dhe vendin e tij e merr trajneri aktual i Lajpcigut, Julian Nagelsman.
Ka qenë vetë klubi bavarez, që nëpërmjet faqes zyrtare ka njoftuar arritjen e marrëveshjes me Nagelsman.
Ky i fundit ka bërë shumë mirë me Lajpcigun në vitet e fundit dhe kjo ka bindur drejtuesit e kampionëve t’i besojnë stolin e Bajernit.
Nagelsman do të marrë drejtimin e bavarezëve pas përfundimit të sezonit aktual, teksa ka firmosur kontratë 5 vjeçare.
Ndërkohë, vendin e Julian Nagelsmanit në Lajpcig pritet ta marrë Jese Mars i cili ka punuar në Amerikë te “New York Red Bull” që militon në MLS dhe është aktualisht pjesë e Salcburgut në kampionatin austriak.
47-vjeçari e njeh mirë ambientin në Gjermani dhe shihet si trajneri ideal për të drejtuar Lajpcigun në Bundesligë nga sezoni i ardhshëm.
© SYRI.net
Champions League/ Monaco-Barcelona, shikoni supergolin e Lamine Yamal 
Shqiptarja që gjykon ndeshjet e Champions League: Më kanë mërzitur mesazhet seksiste
Shkeljet financiare, Man.City rrezikon të përjashtohet nga të gjitha kompeticionetBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
