Uta Ibrahimi, alpinistja e parë shqiptare që ngjitet në Annapurna

10:06, 19/04/2021

Uta Ibrahimi ka arritur një tjetër sukses në karrierën e saj.

Uta ka përfunduar ekspeditën e ngjitjes në majën Annapurna me lartësi 8091m, e cila është ndër majat më të rrezikshme për ngjitje në Himalaje, Nepal, përcjell Syri.net Kosova.

Për këtë ka reaguar edhe MKRS, ku përmes një shkrimi kanë përgëzuar Utën për përfundimin e kësaj ekspedite sfiduese, e cila u bë alpinistja e parë shqiptare që ngjitet në Annapurna.

Shkrimi i plotë:

Uta e majave të maleve!

Uta Ibrahimi ka përfunduar ekspeditën e ngjitjes në majën Annapurna me lartësi 8091m, e cila është ndër majat më të rrezikshme për ngjitje në Himalaje, Nepal.

E përgëzojmë Utën për përfundimin e kësaj ekspedite sfiduese. Ekspedita e saj ishte disaditore dhe përkundër vështirësive gjatë ngjitjes - ajo nuk u dorëzua. Me këto suksese Uta bëhet alpinistja e parë shqiptare që ngjitet në Annapurna.

Alpinistja synon të ngjitë 14 majat e Himalajave me lartësi mbi 8000m. Kjo ishte maja e gjashtë që Uta e ka ngjitur në kuadër të nismës së saj.

Utës i urojmë shumë suksese në ngjitjet e ardhshme!

© SYRI.net

Lexo edhe:

• Statistikat/ Produktiviteti i Ronaldos, me Ancelottin makineri golash, dështim total me Teg Hag
• Guardiola: Arsenali, rivali ynë më i madh, do të doja që Odegaard të luante
• Motta vlerëson Napolin: Është ndërtuar për ‘Scedetton’, duhet të shkëlqejmë...