Pasditen e sotme ka patur një takim mes presidentit të ri të Barcelonës, Joan Laporta dhe trajnerit Ronald Koeman.
Të dy burrat biseduan në lidhje me të ardhmen e teknikut holandez, i cili ka kontratë deri në vitin 2022 me Barçën.
Flitej shumë për një largim të Koeman në fund të sezonit, por diçka e tillë nuk do të ndodhë, pasi Laporta i ka dhënë besim trajnerit edhe për sezonin e ardhshëm.
Sipas “TV3”, rezultatet e shkëlqyera të marra nga trajneri holandez muajt e fundit e kanë bindur presidentin e Barcelonës, i cili i ka shprehur dëshirën për të vazhduar projektin me Koeman.
Aktualisht skuadra katalanse renditet e dyta në La Liga me 62 pikë të grumbullara, -4 pikë nga kryesuesit e Atletikos së Madridit.
© SYRI.net
Bëje LIKE dhe merr lajmin e fundit nga Sporti: