Benevento është befasia e javës në Serie A.
Skuadra modeste mposhti 1-0 Juventusin në ndeshjen e vlefshme për javën e 27-të ë elitën e futbollit italian.
Në minutën e 69-të ishte Adolfo Gaich i cili befasoi “Zonjën e Vjetër” duke i shkundur rrjetën. Ai e shfrytëzoi një gabim në mbrojtje nga Arthur për t’i dhënë avantazhin e papritur Beneventos.
“Zonja e Vjetër” bëri disa aksione të bukura, por nuk arriti t’i konkretizojnë në gol dhe në këtë mënyrë u mposht nga skuadra që pozicionohet në vendin e 16-të.
Me këtë humbje, Juventus bën një gabim të madh në garën për titull, duke u renditur në vendin e tretë me 56 pikë, 10 me pak se kryesuesit e Interit.
© SYRI.net
Bëje LIKE dhe merr lajmin e fundit nga Sporti: