Derbi i Londrës shkon për Arsenalin, që mposhti me përmbysje 2-1 Tottenhamin në “Emirates Stadium”, në një sfidë spektakolare që pati gjithçka për një ndeshje futbolli, si karton të kuq, gol spektakolar e penallti.
Vetëm pak para sfidës, trajneri spanjoll Mikel Arteta përjashtoi nga formacioni dhe dërgoi në tribunë kapitenin Pierre Emenick Aubamyang për çështje disiplinore, ndërsa “topçinjtë” hynë menjëherë mirë në ritmin e ndeshjes.
Në minutën e 19-të, Mourniho humbi shërbimet e sulmuesit korean Hueng Min Son, që u dëmtua dhe u zëvendësua nga Erick Lamela, ndërsa pikërisht argjentinasi zhbllokoi sfidën me një gol mjaft të bukur në të 33-ën.
Reagimi i Arsenalit ishte mjaft i mirë dhe pas disa sulmeve të rrezikshme, ishte danezi Odegaard, që riktheu baraspeshën, pasi gjuajtja e tij nga brenda zonës, gjeti devijimin e Alderweireld dhe përfundoi në rrjetën e portës së Hugo Lloris.
Pjesa e dytë nisi më mirë për Tottenhamin, por kur dukej se “Spurs” po merrnin kontrollin e lojës, ishte Davinson Sanchez që shkaktoi një penallti naive ndaj Lacazette dhe sulmuesi francez nuk e pati të vështirë të shënojë nga 11 metrat golin e avantazhit për “topçinjtë”.
Ndeshja u komplikua edhe më shumë për Tottenhamin në minutën e 76-të, kur Erick Lamela mori kartonin e dytë të verdhë dhe la skuadrën me një futbollist më pak për minutat e mbetura të takimit.
Ndonëse në inferioritet numerik “Spurs” arritën të shënojnë me Harry Kane, por goli u anulua për pozicion jashtë loje, ndërsa pak më vonë ishte portieri gjerman Leno që shmangu golin e barazimit me një pritje spektakolare.
Vërshëllima finale e arbitrit Michael Oliver la në fuqi suksesin 2-1 të Arsenalit, që ngjitet në kuotën e 41 pikëve, ndërsa Tottenham mbetet me 45 pikë dhe i largohet edhe më shumë zonës europiane të renditjes.
© SYRI.net
Para derbit të madh/ Milani mund Interin në sfidën e U-20, shënon djali i Ibrës
Kartonët e kuq kthehen në makth te Barcelona
Boks/ Dubois është kampioni i ri i Botës në IBF, mund me KO Anthony JoshuaBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
