Arminia Bielefeld është padyshim makthi i ekipeve të mëdha në Bundesligë dhe këtë gjë e ka konfirmuar pasditen e sotme.
Pasi mori një barazim në “Allianz Arena” ndaj gjigantëve të Bayern Munchen, Bielefeldi mposhti sot Leverkusenin me rezultatin 1-2.
Ndeshja nisi në tatëpjetë që në fillim për Leverkusen, pasi pësoi gol në minutën e 18-të.
Ritsu Doan ishte autor i golit, me japonezin e talentuar që i dha avantazhin të tijve.
“Aspirinat” u munduan të reagonin, por në pjesën e dytë pësuan edhe një tjetër gol.
Ishte një tjetër japonez që shënoi përsëri për Bielefeld. Okugawa i shtangu të gjithë me golin e tij, duke i dhënë një goditje akoma më të rëndë Leverkusenit.
Schick u mundua të rifuste në lojë ekipin e tij me golin në minutën e 85-të, por asgjë më tepër.
Bielefeld mori një fitore me mjaft vlera në luftën për mbijetesë, teksa u ngjit në vendin e 14-të, duke lënë pas vetes Hertha Berlin dhe Mainz.
Nga ana tjetër, Leverkusen mbetet në vendin e gjashtë, me zonën Champions që duket gjithnjë e më larg.
© SYRI.net
Para derbit të madh/ Milani mund Interin në sfidën e U-20, shënon djali i Ibrës
Kartonët e kuq kthehen në makth te Barcelona
Boks/ Dubois është kampioni i ri i Botës në IBF, mund me KO Anthony JoshuaBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
