Në shtëpinë e Juventusit mbretëron hidhërimi. Largimi nga Champions League, qysh në 1/8 finale, e tërboi fare Pavel Nedved, dukshëm nervoz në bilbilin e fundit të ndeshjes kundër Portos.
Zv.presidenti bardhezi, i pranishëm në tribunat e “Allianz Stadium”, sapo u vulos eliminimi i të tijve nga gara kontinentale, nga duart e luzitanëve, pati një shpërthim jo fort elokuent.
Ai goditi njërën prej tabelave reklamuese, të pozicionuara në skajet e fushës.
Më tej, Nedved zbriti në fushë në fund të ndeshjes, mjaft i zemëruar, pa ngushëlluar askënd nga kampionët italianë.
Me siguri, rezultati final i sfidës së dyfishtë ndaj Portos e ka tronditur mjedisin bardhezi, drejtuesit e klubit, që për të tretin sezon radhazi nuk shkojnë dot në çerekfinale të këtij kompeticioni.
© SYRI.net
Bëje LIKE dhe merr lajmin e fundit nga Sporti: