Peter Olayinka është një nga lojtarët më të talentuar që ka luajtur në Superiore. Nigeriani, i cili tani shkëlqen me Slavia Prague në Çeki, hapat e parë në karrierë i ka hedhur në kampionatin tonë, ku u bë i famshëm te Bylisi.
Sulmuesi ishte nga lojtarët më të kërkuar në vend dhe në verën e vitit 2013 Kukësi arriti ta bindte atë për të firmosur. Gjithsesi ai nuk mund të luante për verilindorët, pasi ballshiotët e çuan çështjen në FIFA. Firmosja e dy kontratat e penalizoi atë, pasi u pezullua për katër muaj.
Atë periudhë Olayinka nuk e çoi dëm, pasi luajti me Yenicami në Ligën e Qipros Veriore, që nuk njihet nga FIFA. Më pas Bylisi që zotëronte kartonin gjeti marrëveshjen për transferimin e sulmuesit nigerian te Skënderbeu.
19-vjeçari, sipas asaj që pretendonin në klubin e Kukësit, u kishte ikur verilindorëve natën dhe ata kishin bërë edhe një denoncim në polici. Olayinka ishte në kërkim nga policia, pasi klubi i Kukësit nuk e kishte tërhequr denoncimin.
Pavarësisht se ishte në kërkim, ai vazhdonte të luante normalisht dhe vetëm në fund të dhjetorit të vitit 2014 ai u ndal nga policia. Teksa nigeriani po i drejtohej Kosovës, në pikën kufitare të Morinës ai u ndalua nga policia.
Në sistemin e policisë Olayinka figuronte si person në kërkim dhe forcat e rendit autorizuan ndalimin e futbollistin. Olayinka asokohe u mbajt për pesë orë në ambientet e policisë kufitare. Pasi ngjarja u sqarua, i riu u lejua të udhëtonte drejt Kosovës. / abcnews
© SYRI.net
Trajneri i Partizanit i kënaqur me atmosferën në derbi, por jo me rezultatin
VIDEO/ Në nder të ish-deputetit demokrat Gerti Bogdani, futbollistët e Tiranës homazhe në derbin me Partizanin
Nuk mjaftojnë 2 golat e Edon Zhegrovës, Lille ndalet nga StrasbourgBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
