Një ngjarje e rëndë ka tronditur botën e sportit. Ish-trajneri 64-vjeçar i përfaqësueses amerikane të gjimnastikës, Xhon Gedert, i dha fund jetës së tij, menjëherë pasi u bë publike ngritja e akuzave për abuzime seksuale ndaj gjimnasteve në palestrën e tij në Miçigan.
Ish-trajneri do të duhej të shfaqej para gjykatës së fundmi.
“Është fundi i një historie tragjike për të gjithë personat e përfshirë”, tha Prokurorja e Përgjithshme e Miçiganit, Dana Nesel.
Xhon Gedert u akuzua për një sërë krimesh. Përveç akuzës për abuzime seksuale, mbi ish-trajnerin rëndojnë edhe ato për trafik të qenieve njerëzore dhe për organizatë kriminale.
Po kështu, Gedert ishte i përfshirë edhe në skandalin që çoi në dënimin me 60 vjet burg të ish-mjekut të skuadrës amerikane të Gjimnastikës, Larri Nasar.
© SYRI.net
Bëje LIKE dhe merr lajmin e fundit nga Sporti: