Një lajm i trishtë ka tronditur botën e futbollit.
Është ndarë nga jeta në moshën 21 vjeçare ish-futbollisti i Atalantës, kampion i Italisë për moshën-U-19, Willy Braciano Ta Bi.
Ai mbylli sytë përgjithmonë në vendlindjen e tij, Bregu i Fildishtë, pas një sëmundjeje të rëndë.
Willy kishte muaj që luftonte me kancerin e mëlçisë, që për fat të keq i mori edhe jetën. Nuk i ka munguar as mbështetja e Federatës së Futbollit të Bregut të Fildishtë, e cila kishte ndërmarrë hapa për të mbledhur fonde dhe për ta ndihmuar atë me shpenzimet.
Ai ishte detyruar të tërhiqej nga futbolli për të vijuar me kurën, ndërsa muajt e fundit mbylli marrëdhënien me klubin bergamask, për t’u kthyer në Bregun e Fildishtë, ku kaloi momentet e fundit të jetës së tij.
Willy Braciano Ta Bi mbërriti në Bergamo në vitin 2019 nga klubi ASEC Mimosas. Ai tregoi cilësitë e tij duke luajtur 9 ndeshje dhe duke shënuar 3 gola për skuadrën e të rinjve (u shpall kampion pas fitores 1-0 të Atalantës kundër Interit). Ai u huazua për një periudhë të shkurtër te Pescara, por shfaqja e sëmundjes e pengoi ta vijonte karrierën në Abruzzo.
Së fundmi klubi i Atalantës, ka postuar një mesazh një faqen zyrtare, ku ngushëlloi familjen për të këtë humbje të madhe.
“ Ne marrim pjesë me emocion të thellë në dhimbjen e familjarëve për vdekjen e parakohshme të Ëilly Braciano Ta Bi. Kampion i Italisë me Primaverat në 2019, ai pa që ëndrra e tij po shuhej shumë shpejt ... Mirupafshim Willy, prehu në paqe.”
© SYRI.net
Bëje LIKE dhe merr lajmin e fundit nga Sporti: