Karla Borger dhe Julia Sude, dy sportiste gjermane të skuadrës së volejbollit në plazh nuk do të marrin pjesë në turneun e Katarit. Kjo, pasi atyre nuk u lejohet të luajnë me bikini dhe për këtë arsye kanë vendosur ta bojkotojnë.
“Ne shkojmë atje për të bërë punën tonë dhe nuk na lejohet të veshim rrobat e punës”, tha Borger për radion gjermane “Deutschlandfunk”. “Ky është i vetmi vend dhe i vetmi turne ku qeveria na thotë si të bëjmë punën tonë”.
Katari do të mirëpresë Botërorin e Volejbollit në Plazh, për herë të parë, por për shkak të rregullave strikte mbi veshjen dy nënkampionet e botës kanë vendosur ta bojkotojnë. Federate Botërore e Volejbollit në Plazh ka thënë se e respekton vendimin e Katarit, bazuar mbi kulturën dhe traditat e vendit pritës. Por gjermanët thonë se Katari ka lejuar më parë sportiste femra të garojnë me bikini.
© SYRI.net
Bëje LIKE dhe merr lajmin e fundit nga Sporti: