Schalke 04 drejt rënies në Bundesligën e dytë gjermane. “Blutë mbretërorë” u gjunjëzuan lehtësisht nga Borussia e Dortmundit në derbin e Ruhrit, ku mungoi ai rivaliteti i madh që mbizotëron në këtë duel të futbollit gjerman.
Verdhezinjtë triumfuan pa shumë mundim 0-4 në “Veltins Arena”, ku u dallua qartë superioriteti i ekipit të drejtuar nga kroati Edin Terzic.
Dortmundi shkoi në pushimin mes pjesëve në epërsi të dyfishtë, pasi në fundin e fraksionit të parë, në një distancë kohore prej vetëm tre minutash shënuan Sancho dhe Erling Haaland.
Talenti norvegjez tregoi klasin e tij me një goditje “voley”, e pakapshme nga portieri kundërshtar.
Dominimi i verdhezinjtë ishte i dukshëm edhe në pjesën e dytë, çka u reflektua me golin e Guerreiros për rezultatin 3-0.
Më herët (61’)Serdar i Schalkes u ndal nga shtylla, moment që tregoi se edhe fati nuk ishte me “blutë mbretërorë”.
Në fund kishte kohë edhe për golin e katërt, që u realizua nga Haaland, i cili e mbylli takimin me dygolësh.
Fitore që kthen disi qetësinë te Borussia e Dortmundit që jo vetëm ka dalë herët nga gara për titull, por rrezikon të mbetet jashtë zonës Champions (Eintracht Frankfurti i vendit të katërt ka grumbulluar 6 pikë më shumë).
© SYRI.net
FIFA vendos datën e Kupës Ndërkontinentale dhe shtetin ku do të luhet
18 gola në një javë të vetme, skuadrat e Bundesligës vendosin rekord në Champions League
Rrëfimi i bujshëm i arbitrit pas 17 vitesh: I fala kartonin e kuq Messit, kërkova fanelën e tij pas ndeshjesBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
