Në garën e Sllallomit të Madh që po zhvillohet në Kampionatin Botëror "Cortina 2021", skiatori ynë Albin Tahiri është nisur nga vendi i 90-të dhe ka arritur të zë vendin e 37-të, një rezultat shumë i mirë duke pasur parasysh konkurrencën në këto gara.
Federata Skitare e Kosovës, njofton se Albin Tahiri, zuri vendin e 37 në finalen e sllallomit të madh në kampionatin botëror të Cortina d'Ampezzos së Italisë.
Skitari ynë, ka përfunduar në vendin e 37-të në kampionatin botëror të skitarisë, që po mbahet në Cortina d’Ampezzo të Italisë.
Tahiri përfundoi të dyja lëshimet me kohë 3 minuta, 3 sekonda dhe 16 të qindtat, +25.91 nga pozita e parë. Në lëshimin e parë Albini doli i 52-të, ndërsa numrin rendor në lëshim e kishte 90.
Tahiri ishte i vetmi që përfaqësoi Kosovën në finale, në të cilën pjesëmarrës ishin 100 garues. Shkaku i vështirësive në shteg, 56 garues nuk e përfunduan njërin nga dy lëshimet.
“Mendoj se ishte rezultat i mirë. Vendi 37 në kampionatin botëror nuk është i keq, por më duhet të shtojë se shtegu ishte shumë i vështirë, shumë akull, sidomos në fillim, ndërsa ky ishte kursi më i gjatë që kam bërë ndonjëherë. Në përgjithësi jam i lumtur që e përfundova garën dhe e vendosa flamurin e Kosovës në pozitën e 37-të në botë”, deklaroi 31-vjeçari për Komitetin Olimpik të Kosovës.
Tahiri dhe Arbi Pupovci, i cili nuk u kualifikua në finalen e sllallomit të madh, do të garojnë nesër në kualifikimet për finalen e sllallomit, që mbahet të dielën.
© SYRI.net
FIFA vendos datën e Kupës Ndërkontinentale dhe shtetin ku do të luhet
18 gola në një javë të vetme, skuadrat e Bundesligës vendosin rekord në Champions League
Rrëfimi i bujshëm i arbitrit pas 17 vitesh: I fala kartonin e kuq Messit, kërkova fanelën e tij pas ndeshjesBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
