Memphis Depay ka refuzuar ofertat e Lyonit për rinovimin e kontratës që skadon në fund të sezonit dhe në këtë mënyrë ka tërhequr vëmendjen e shumë klubeve të mëdha europiane.
Fakti që pas muajit maj do të jetë i lirë, ka bërë që skuadra si Juventusi, Barcelona e Borussia Dortmund të vihen në lëvizje për të marrë shërbimet e Depay, i cili është një titullar fiks i Lyonit dhe i kombëtares holandeze.
Sipas mediave italiane, Juventusi ka bërë hapa konkretë këtë javë, pasi i ka paraqitur menaxherit të Depay edhe një ofertë zyrtare, teksa bëhet fjalë për një kontratë 5-vjeçare me pagë 5 milionë euro neto në sezon.
Ndonëse oferta është mjaft joshëse, favoritja kryesore për të marrë shërbimet e Depay mbetet Barcelona, pasi sulmuesi holandez ka një marrëdhënie të shkëlqyer me trajnerin Ronaldo Koeman dhe do të donte të punonte sërish me të.
Edhe vetë Koeman e ka shprehur disa herë dëshirën për të marrë shërbimet e holandezit, pasi ka pranuar se Barcelonës i mungon një sulmues me cilësitë e tij, që të dijë të sulmojë hapësirat dhe t’i japë thellësi skuadrës.
© SYRI.net
FIFA vendos datën e Kupës Ndërkontinentale dhe shtetin ku do të luhet
18 gola në një javë të vetme, skuadrat e Bundesligës vendosin rekord në Champions League
Rrëfimi i bujshëm i arbitrit pas 17 vitesh: I fala kartonin e kuq Messit, kërkova fanelën e tij pas ndeshjesBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
