Kylian Mbappe bëri një super paraqitje në fitoren e Paris Saint-Germain 4 me 1 ndaj Barcelonës në Champions League.
Sulmuesi francez realizoi hat-trick në përballjen në ‘Camp Nou’. Gjatë një interviste për “BT Sport”, ish-lojtari i Chelseat, Joe Cole tha se lojtari më i mirë në Botë është Kylian Mbappe – duke e renditur francezin para Messit dhe Cristiano Ronaldos.
“Mbappe është futbollisti më i mirë në Botë për momentin. Impakti që ka në këtë skuadër. Vrapimi i tij fantastik. Ndoshta Ronaldo është ende, megjithatë nëse doni lojtar të ri dhe me këtë potencial, shkoni merreni Mbappen”, ka thënë Cole.
Ish-lojtari i Kombëtares së Anglisë thotë se sulmuesi francez do të arrij në nivelin e njëjtë që kishte Messi dhe Ronaldo.
© SYRI.net
Bëje LIKE dhe merr lajmin e fundit nga Sporti: