Mbyllet ndeshja e1/8-ave të Ligës së Kampioneve, Leipzig-Liverpool, e zhvilluar mbrëmjen e sotme. Skuadra e Jurgen Klopp fiton në momentin e duhur të këtij sezoni pas krizës së rezultateve në kampionatin anglez duke fituar sonte në Hungari 0-2 ndaj gjermanëve të Lajpcigut. Mohamed Salah dhe Sadio Mane vulosën triumfin e pastër të të kuqve. Megjithatë, duhet pranuar se kampionëve të Anglisë iua dha një dorë e mirë nga mbrojtësit e Leipzig, të cilët gabuan në markimin dhe spastrimin e topave gjatë dy golave.
Në fund të takimit, skuadra e Julian Nagelsmanit mund të kishte shkurtuar shifrat dhe rriste shpresat për kualifikim në çerekfinale nëse koreanojugori He-Çan Huang do të rregullonte shënjestrën para portierit Alison.
Me fitoren e sotme, Liverpuli është më i favorizuar për të kaluar në çerekfinale. Akti i dytë i betejës Liverpool-Leipzig do të luhet në 10 mars në “Anfield Road”.
© SYRI.net
Bëje LIKE dhe merr lajmin e fundit nga Sporti: