Ish-futbollisti i Juves, Interit, Romës dhe Parmës, Luigi Sartor është arrestuar të premten (12 shkurt) nga Guardia di Finanza e Parmës.
Sipas policisë ata e gjeten ish-futbollistin së bashku me bashkëpunëtorët e tij ndërsa po kujdeseshin për serën e tij, në të cilën gjindeshin 106 bimë marihuanë, që ai kishte vendosur ti rriste në një vilë të braktisur në Lesignano Palmia, një fshat i vogël në malet e Parmës.
Për disa kohë hetuesit kishin qenë duke hetuar aktivitetin që ndodhte brenda asaj vilë krejtësisht të pabanuar.
Përveç kësaj, gjatë natës, nga të çarat e ndërtesës shkëlqenin dritat e ndriçimit të brendshëm dhe jashtë mund të perceptonit një erë të veçantë.
E gjithë kjo nisi kur agjentët gjatë një kontrolli rutinë të makinës së ish-futbollistit ditë më parë, ku kishin ndjerë erën e marijuanës brenda në makinë.
Ish-futbollisti tani është në arrest shtëpie.
© SYRI.net
Bëje LIKE dhe merr lajmin e fundit nga Sporti: