Marash Kumbulla nuk u përfshi ditën e djeshme në listën e të grumbulluarve nga trajneri i Romës, Fonseka, për ndeshjen e kampionatit ndaj Udineses.
Mbrojtësi ka pasur një problem fizik dhe qëndroi jashtë për të mos rrezikuar, ndërsa edhe sot 20-vjeçari ka kryer stërvitje individuale dhe nuk ka qenë me pjesën tjetër të grupit.
Kumbulla i frikësohet një dëmtimi të mirëfilltë, ndaj është duke u ruajtur dhe nuk kërkon të sforcohet.
Mungesa në seancën e sotme stërvitore e bën të dyshimtë pjesëmarrjen e tij në ndeshjen e Ligës së Europës ndaj Bragës.
Megjithatë, ka ende kohë për trajnerin portugez të vendosë, ndërsa nëse nuk ia del në Europë, atëherë Kumbulla pritet të jetë gati për ndeshjen e radhës në kampionat ndaj Beneventos.
© SYRI.net
Bëje LIKE dhe merr lajmin e fundit nga Sporti: