Atalanta do përballet me Juventusin në finalen e Kupës së Italisë më 19 maj. Pas barazimit 0-0 një javë më parë në stadiumin “Maradona”, skuadra e Gasperinit mundi mbrëmjen e sotme Napolin me rezultatin 3-1, duke siguruar kalimin në turin e fundit të këtij kompeticioni.
Zikaltërit e nisën mjaft mirë sfidën, duke shënuar dy gola të shpejtë. Fillimisht në minutën e 10’ ishte Duvan Zapata ai i cili shënoi për bergamakët, ndërsa 6 minuta më vonë, Matteo Pessina dyfishoi shifrat.
Pjesa e parë u mbyll me këtë rezultat, ndërsa e dyta nisi me Napolin më kërkues. “Të kaltrit” arritën të ngushtonin shifrat në minutën e 53-të, falë Hirving Lozano-s.
Napoli vijoi të këmbëngulte për golin e dytë, që do t’i jepte kualifikimin, por pësoi të tretin, me autor Pessinan, që kombinoi bukur me Zapatan për golin që vulosi kualifikimin e Atalantës.
Berat Gjimshiti, mbrojtësi kuqezi, fiton kështu duelin me Elseid Hysajn dhe Amir Rrahmanin, të tre titullarë në këtë ndeshje. Në fakt, Hysaj u zëvendësua nga Gattuso pa u mbyllur pjesa e parë, ndërsa Gjimshiti dhe Rrahmani qëndruan në fushë deri në fund.
Një eliminim i hidhur për Gattuson, që vështirë se do të mbijetojë në stolin e Napolit pas humbjes së mundësisë për ta fituar këtë trofe.
© SYRI.net
Rrëfimi i bujshëm i arbitrit pas 17 vitesh: I fala kartonin e kuq Messit, kërkova fanelën e tij pas ndeshjes
Shkëmbi me ide të qarta për formacionin, ja se si pritet të luajnë bardheblutë në derbi
Statistikat/ Produktiviteti i Ronaldos, me Ancelottin makineri golash, dështim total me Teg HagBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
