Juventus ka fituar ndeshjen e parë gjysmëfinale të Kupës së Italisë. Bardhezinjtë mposhtën me përmbysje 2-1 skuadrën e Interit në “Giuseppe Meazza”.
Fillimisht ishin zikaltërit që kalua në avantazh me Lautaro Martinez në minutën e 9-të takimit.
Mirëpo, Juve arriti të përmbyste rezultatin që në pjesën e parë, falë dopietës së Cristiano Ronaldo-s.
Sulmuesi portugez barazoi shifrat nga pika e bardhë e penalltis, pas ndërhyrjes së VAR, ndërsa goli i dytë erdhi pas një mosmarrëveshje të Bastonit me Handanovic, ku Ronaldo me portën e boshatisur dërgoi topin në rrjetë.
Në pjesën e dytë Inter ishte më kërkues, por që nuk arriti t’i finalizonte raste me gol. Njëherë Demiral dhe njëherë Buffon i mohuan golin lojtarëve të skuadrës zikaltër. Rezultati nuk ndyshoi deri në fund, me Juventusin që në ndeshjen e kthimit që do të luhet më 9 shkurt në "Allianz Stadium i duhet thjeshtë të administrojnë rezultatin ndaj Interit.
Ky triumf mund të quhet edhe si një lloj hakmarrje e Andrea Pirlo-s ndaj Antonio Conte-s, që pak ditë më parë e mundi me rezultatin 0-2.
© SYRI.net
Champions League/ Monaco-Barcelona, shikoni supergolin e Lamine Yamal 
Shqiptarja që gjykon ndeshjet e Champions League: Më kanë mërzitur mesazhet seksiste
Shkeljet financiare, Man.City rrezikon të përjashtohet nga të gjitha kompeticionetBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
