Partizani-Vllaznia është supersfida që do të mbyllë siparin e javës së 17-të të Kategorisë Superiore.
Në "Elbasan Arena", “Demat e Kuq” do të kërkojnë fitoren për të rihapur kampionatin dhe për të ngushtuar diferencën me kryesuesit shkodranë.
Një triumf i skuadrës së Dajës ndaj Vllaznisë do ta ngushtonte në 6 pikë diferencën mes këtyre 2 ekipeve.
Suksesi i kuqebluve do të rriste në 12 pikë diferencën dhe titulli do të afrohej në Shkodër.
Për sa i përket formacioneve zyrtare, Brdariç i ka besuar titullarëve të zakonshëm, ndërkohë te kryeqytetasit bie në sy aktivizimi nga minuta e parë e Çinarit që do të mbështet nga Asani, Bardhi dhe Melo.
Formacionet zyrtare
Partizani: Hoxha, Idrizaj, Bitri, Belica, Hakaj, Broja, Mala, Bardhi, Asani, Melo, Çinari
Trajner: Ilir Daja
Vllaznia: Zogovic, Gurishta, Adili, Imami, Imeri, Krymi, Marku, Jonuzi, Isaevski, Hoxhaj, Dilaver
Trajner: Thomas Brdaric
© SYRI.net
Bëje LIKE dhe merr lajmin e fundit nga Sporti: