Tirana konfirmoi së fundmi transferimin e futbollistit të dytë në merkaton e janarit.
Mbrojtësi nga Bregu i Fildishtë, Zhoselin Behiraçe, është lojtari i dytë që u bashkohet bardhebluve këtë sesion merkatoje.
Ai kaloi me sukses provën me bardheblute dhe pas zhbllokimit të merkatos, u zyrtarizua sot si përforcimi më i ri i kampionëve në fuqi të Shqipërisë.
Pas Taulant Seferit, afrikani Behiraçe është përforcimi i dytë për kampionët e Shqipërisë.
Ai ka luajtur me Xhorxhonen në Itali. Përveç qendërmbrojtësit, Behiraçe mund të luajë si mesfushor qendror.
Njoftimi i Tiranës
“Mirësevjen Jocelin Behiratche!
Klubi i Futbollit Tirana njofton afrimin e rradhës në merakton e Janarit. Jocelin Behiratche është emri i ri që do të rreshtohet në rradhët e bardhebluve. Qendërmbrojtësi 20-vjeçar pas kryerjes së të gjitha analizave të nevojshme nënshkroi kontratën që e bën atë pjesë të klubit për dy sezonet e ardhshme”.
© SYRI.net
Bëje LIKE dhe merr lajmin e fundit nga Sporti: