E pabesueshme çfarë bën futbollisti japonez, në moshën 53-vjeçare rinovon kontratën me klubin

E pabesueshme çfarë bën futbollisti japonez, në moshën 53-vjeçare rinovon kontratën me klubin

13:31, 11/01/2021

Kazuyoshi Miura u bë futbollisti profesionist më i vjetër në botë gjatë vitit të kaluar, pasi vijoi të luajë me skuadrën e Yokohamës në elitën e futbollit japonez, ndonëse me 53 vite mbi shpinë.

Megjithatë, sulmuesi që më 26 shkurt do të festojë ditëlindjen e 54-t, nuk ka ndërmend të ndalet, pasi sot ka rinovuar kontratën me klubin e Yokohamës edhe për një tjetër sezon.

Kjo është hera e pestë që Miura firmos kontrata 1-vjeçare me Yokohamën, fanellën e të cilës e vesh që prej vitit 2005 dhe pavarësisht moshës, po tregon se ka ende për të dhënë në fushën e lojës.

Image

Sezonin e kaluar Kazuyoshi Miura luajti 6 ndeshje zyrtare me Yokohamën, 4 prej të cilave në kampionat dhe dy të tjera në Kupën e Ligës, ndërsa një gol zyrtar nuk e shënon që prej vitit 2017.

Miura ka dhënë një kontribut mjaft të rëndësishëm edhe për përfaqësuesen e Japonisë, pasi numëron plot 89 ndeshje dhe 55 gola në periudhën 1990-2000, ndërsa në 2012-ën iu bashkua edhe përfaqësueses së futbollit të sallës.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

>
Denonco