Trajneri i Milanit, Stefano Pioli këmbëngul se skuadra e tij e ka dëshmuar se është pretendente kryesore për titullin kampion në Serie A.
Milanit iu ndërpre ecuria prej 27 ndeshje pa humbje pasi Juventusi i shkaktoi disfatën e parë kuqezinjve që prej 8 marsit 2020.
“Ne duhet t’ia heqim kapelën kundërshtarit tonë. Juventusi e meritoi fitoren”, tha Pioli.
“Ne e bëmë atë që duhej ta bënim, krijuam shanse dhe pashmangshëm e lejuam kundërshtarin të krijonte. Pasi e gjetëm vetëm në disavantazh për herë të dytë, ishte e vështirë të ktheheshim në lojë”, shtoi ai.
Milanit i munguan Zlatan Ibrahimovic, Ismael Bennacer, Sandro Tonali, Alexis Saelemaekers dhe Matteo Gabbia shkaku i dëmtimeve, si dhe Ante Rebic e Rade Krunic shkaku i infektimit me COVID-19.
I pyetur nga analisti i Sky Sports, Fabio Cabello, nëse Milani është pretendent për titull, Pioli tha: “Edhe unë jam i bindur se duhet të jemi ambicioz. Duhet të largohemi sonte duke besuar se mund të luftojmë deri në fund”.
© SYRI.net
Bëje LIKE dhe merr lajmin e fundit nga Sporti: