Milani i drejtuar nga Stefano Pioli vazhdon serinë e fitoreve, teksa ka mposhtur në transfertë Beneventon, në një ndeshje spektakolare.
Kuqezinjtë kaluan në avantazh që në minutën e 15-të, ku Kessie shndërroi në gol një penallti të fituar nga Ante Rebic.
Megjithatë, kur të gjithë po mendonin se gjithçka po shkonte në rrugën e duhur për Milanin, Sandro Tonali ndëshkohet me karton të kuq për një ndërhyrje të ashpër ndaj kundërshtarit në minutën e 34-t dhe e lë skuadrën e tij me 10 lojtarë.
Ndonëse me një lojtar më pak, Milani e nis pjesën e dytë me gol, ku Leao shënoi në minutën e 49-të, pas një kundërsulmi vrastar.
Në minutën e 60-të, Krunic shkakton ndërhyrje të gabuar në zonë dhe arbitri akordon penallti për Beneventon, por Kaprari dështon të ngushtojë shifrat, duke gabuar nga pika e bardhë e penalltisë.
Pas këtij rasti, ndeshja ishte më e bukur, me raste nga të dyja ekipet, ku kuqezinjtë kishin edhe mundësinë për golin e tretë në fund, por gjuajtja e Kessie u ndal te shtylla.
Me këtë fitore, Milani rimerr kreun e renditjes me 37 pikë, 1 më shumë se Interi i vendit të dytë dhe shkon në ndeshjen e së mërkurës ndaj Juventusit si kryesues.
© SYRI.net
Champions League/ Monaco-Barcelona, shikoni supergolin e Lamine Yamal 
Shqiptarja që gjykon ndeshjet e Champions League: Më kanë mërzitur mesazhet seksiste
Shkeljet financiare, Man.City rrezikon të përjashtohet nga të gjitha kompeticionetBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
