Milani është duke tentuar të forcojë repartin e mbrojtjes dhe për këtë ata kanë identifikuar objektivin e tyre i cili ndodhet në Francë.
Sipas “L’Equipe” thuhet se Milani ka bërë ofertën me vlerë 15 milionë euro për mbrojtësin, Mohamed Simakan por Strasburgu e ka refuzuar.
Sipas artikullit, oferta e kuqezinjve u realizua më 23 dhjetor për 15 milionë euro duke përfshirë bonuse dhe shtesa të ndryshme. Çmimi i kërkuar raportohet të jetë 20 milionë euro dhe “Rossonerët” përballen me konkurrencë nga Chelsea dhe Nice për nënshkrimin e tij.
Milani mbetet favorit pasi Simakan është i interesuar për transferimin e tij në “San Siro”. Deri më tani këtë sezon, Simakan ka shënuar një gol dhe ka dhënë një asistim në 17 paraqitje të Ligue 1.
© SYRI.net
Bëje LIKE dhe merr lajmin e fundit nga Sporti: