PSG e shkarkon zyrtarisht nga detyra trajnerin gjerman Thomas Tuchel.
Të enjten e kaluar mediet në mbarë botën publikuan lajmin për largimin e 47-vjeçarit, pavarësisht suksesit 4-0 ndaj Strasbourgut, ndërsa sot klubi parisien e ka zyrtarizuar vendimin nëpërmjet një deklarate.
Kjo nënkupton që emërimi i Mauricio Pochettinos si trajneri i ri i ekipit kryeqytetas është çështje kohë, pasi klubi parisien e kishte kontaktuar trajnerin argjentinas (i cili ishte gjithashtu ka qenë lojtar i PSG midis viteve 2001 dhe 2003) për të marrë vendin e lënë bosh nga Tuchel.
Tashmë janë duke u finalizuar detajet e marrëveshjes ekonomike dhe kohëzgjatja e kontratës me ish-teknikun e Tottenhamit, Southamptonit dhe Espanyolit, i cili pritet të debutojë në krye të PSG-së më 6 janar, në stadiumin e Saint-Étienne.
Nasser Al-Khelaifi, presidenti i klubit, rezervoi këto fjalë për trajnerin gjerman: “Do të doja të falënderoja Thomas Tuchelin dhe stafin e tij për gjithçka i kanë dhënë klubit. Ai ka hedhur shumë energji dhe pasion në punën e tij dhe do të kujtojmë kohërat e mira që kemi ndarë së bashku. I uroj më të mirën për të ardhmen!”.
© SYRI.net
VIDEO/ Asani fantastik, Shqipëria kalon në avantazh
Shpërthen festa kuqezi, Ismajli barazon shpejt shifrat 
Liga e Kombeve/ Gjeorgjia 'masakron' me 4 gola Çekinë, merr kreun në grupin e ShqipërisëBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
