Ponte Prizreni po vazhdon me fitore në Prince Caffe Superligën e Kosovës në basketboll. Kësaj radhe prizrenasit kanë mundur Rahovecin me rezultat 88:82, thuhet në njoftimin e Federateës së Basketbollit.
Më i merituari për këtë fitore ishte Xavier Cannefax me 34 pikë, tri kërcime dhe dy asistime, me një indeks prej 34. Ai edhe në momentet vendimtare të ndeshjes, tregoi klasin e tij, duke i dhuruar skuadrës së tij një fitore shumë të rëndësishme.
Xavier ishte i pandalshëm në këtë ndeshje, duke qenë enigmë për Vreshtarët, që shkaktuan 10 faulle ndaj tij.
Ndërkohë, top 5 shënuesit e kësaj jave janë Xavier Cannefax i Ponte Prizrenit me 34 pikë, Dion Dixon i Pejës me 31 pikë, Cendrik Council i Vëllaznimit me 30, Christopther Hortman i Vëllaznimi me 25 dhe Tramaine Isabell i Trepçës me 25.
© SYRI.net
Bëje LIKE dhe merr lajmin e fundit nga Sporti: