Menjëherë pas humbjes minimale 0-1 ndaj Vllaznisë, Apolonia ka gjetur edhe trajnerin e ri, që do të jetë pikërisht shqiptari nga Maqedonia e Veriut, Artim Shaqiri. Ky i fundit ishte dje në tribunë ne stadiumit “Loni Papuçiu” për të ndjekur ndeshjen, ndërsa pas saj hodhi firmën mbi kontratë me drejtuesit e klubit fierak.
47-vjeçari nga Struga ka pasur një karrierë prestigjoze si futbollist, pasi ka arritur të veshë fanellën e skuadrave si Vardari, CSKA e Sofies, Qarabag, Shkëndija, WBA, Malatyaspor, etj., ndërsa në Shqipëri ka luajtur me Besën e Kavajës.
Si trajner Shaqiri e ka nisur karrierën te Shkëndija, ndërsa më pas ka drejtuar edhe Kukësin në kategorinë Superiore dhe Flamurtarin e Prishtinës në Superligën e Kosovës dhe nga sot do të drejtojë Apoloninë.
Skuadra fierake i nisi përgatitjet para-sezonale me trajnerin Artan Mërgjyshi, i cili ishte në stol edhe sezonin e kaluar dhe punoi shumë për të rikthyer Apoloninë në elitë, por një mosmarrëveshje me drejtuesit bëri që ai të largohej dhe në stol të vinte italiani Giovanni Colella.
Ky i fundit u shkarkua pas vetëm pak javësh dhe në vend të tij erdhi korçari Nikolin Çoçlli e së fundi skuadra u drejtua përkohësisht nga përgjegjësi i akademisë, Bledar Borova. Rezultatet e fierakëve në këto javë të para kanë qenë zhgënjyese, pasi skuadra ka grumbulluar vetëm 5 pikë dhe renditet në vendin e fundit./ss
© SYRI.net
Rrëfimi i bujshëm i arbitrit pas 17 vitesh: I fala kartonin e kuq Messit, kërkova fanelën e tij pas ndeshjes
Shkëmbi me ide të qarta për formacionin, ja se si pritet të luajnë bardheblutë në derbi
Statistikat/ Produktiviteti i Ronaldos, me Ancelottin makineri golash, dështim total me Teg HagBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
