Partizani u rikthye pas shumë ndeshjeve te fitorja, teksa mposhti me rezultatin 2-0 Kastriotin.
Pas përfundimit të ndeshjes, zv/trajneri i Partizanit, Renaldo Kalari, u shpreh se skuadra e meritoi fitoren, duke thënë se bënë ndeshje të mirë.
“E kishim vlerësuar këtë ndeshje. Luanim ndaj Kastriotit që kishte njësoj sa ne pikë. Kanë treguar paraqitje të mira me skuadrat e tjera. E dinim që do na prisnin prapa. Donim të rrisnim presionin te porta kundërshtare. Shfrytëzuam rastet në fund, por e merituam këtë fitore. Përgëzoj Carën, për golin, teksa tregoi edhe vlerat e tij. Përgëzoj edhe çunat e tjerë, që për pak kohë kanë zhvilluar shumë ndeshje. Duke marrë parasysh edhe mungesat.
Ne e kishim parë Kastriotin, për mënyrën se si luan. U munduam që të kishim një administrim të qetë të topit. Çunat ishin të qetë dhe e dinim që do dilnim te goli.
Kritikat e Dajës? Normalisht që kur vjen pas një ndeshje që nuk ke treguar vendosmërinë e duhur, nuk ke qenë i freskët atë që kërkohet nga trajneri, normalisht që do ketë kritika. Nuk mund t’i linim terren kundërshtarëve. Ndeshjet e kaluara kemi treguar se dimë të luajmë futboll dhe kemi bërë mirë”, u shpreh Kalari.
© SYRI.net
Rrëfimi i bujshëm i arbitrit pas 17 vitesh: I fala kartonin e kuq Messit, kërkova fanelën e tij pas ndeshjes
Shkëmbi me ide të qarta për formacionin, ja se si pritet të luajnë bardheblutë në derbi
Statistikat/ Produktiviteti i Ronaldos, me Ancelottin makineri golash, dështim total me Teg HagBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
